影片
更多
2019-06-03
302 浏览
海鲜控出动日！超级抵食+好食原味蒸气海鲜！私心100万个推荐❤️$288一个人就可以食到10道海鲜，仲要免收加一！虽然价钱平，但全部海鲜都好新鲜！！十层不锈钢蒸笼好霸气，全部食材同海鲜都放晒系入面。餐牌列出晒每项海鲜既最佳蒸煮时间，确保客人可以食到最佳口味。首先系是日精选无添加清炖汤，我已经唔记得咗当日系咩汤😂，但系总之就系好饮架啦。蒜蓉粉丝蒸波士顿龙虾：龙虾超级大只，好肥美肉厚，肉质非常鲜甜，开边之后铺上蒜蓉同粉丝，蒸6分钟就食得。虽然每人得半只龙虾，但系因为龙虾好大只，所以其实每个人都食到啖啖肉。菓皮蒸十头鲜鲍鱼：我唔算系非常热爱鲍鱼既人，但系呢个鲍鱼真系整得好好食！鲍鱼好厚肉，本来惊会好靭，但系点知好易切开，咬落去肉好嫩好软🤤，加上果皮吊出鲍鱼既鲜味，真系好正。蒸大鳝可选豉汁/梅子：我本身都几钟意食大鳝，奈何唔系好多餐厅整得好食。但系呢个鳝真系好正！只系好简单用豉汁去蒸，已经带出到鳝既鲜甜。鳝件入口弹牙，带少少肉分真系好香。清蒸生猛海虾：好新鲜呀！肉质爽弹，虾味好鲜甜好新鲜！点一点酱油同辣椒碎，少少微辣既味道真系令人食唔停。清蒸花尾龙趸：新鲜龙趸真系唔系成日食到架！每片都好厚切，鱼
超级抵食+好食原味蒸气海鲜！私心100万个推荐❤️
$288一个人就可以食到10道海鲜，仲要免收加一！虽然价钱平，但全部海鲜都好新鲜！！十层不锈钢蒸笼好霸气，全部食材同海鲜都放晒系入面。餐牌列出晒每项海鲜既最佳蒸煮时间，确保客人可以食到最佳口味。
首先系是日精选无添加清炖汤，我已经唔记得咗当日系咩汤😂，但系总之就系好饮架啦。
蒜蓉粉丝蒸波士顿龙虾：
龙虾超级大只，好肥美肉厚，肉质非常鲜甜，开边之后铺上蒜蓉同粉丝，蒸6分钟就食得。虽然每人得半只龙虾，但系因为龙虾好大只，所以其实每个人都食到啖啖肉。
菓皮蒸十头鲜鲍鱼：
我唔算系非常热爱鲍鱼既人，但系呢个鲍鱼真系整得好好食！鲍鱼好厚肉，本来惊会好靭，但系点知好易切开，咬落去肉好嫩好软🤤，加上果皮吊出鲍鱼既鲜味，真系好正。
蒸大鳝可选豉汁/梅子：
我本身都几钟意食大鳝，奈何唔系好多餐厅整得好食。但系呢个鳝真系好正！只系好简单用豉汁去蒸，已经带出到鳝既鲜甜。鳝件入口弹牙，带少少肉分真系好香。
清蒸生猛海虾：
好新鲜呀！肉质爽弹，虾味好鲜甜好新鲜！点一点酱油同辣椒碎，少少微辣既味道真系令人食唔停。
清蒸花尾龙趸：
新鲜龙趸真系唔系成日食到架！每片都好厚切，鱼皮充满胶质，肉质嫩滑，食到满满既鱼油脂肪。
油盐水蒸时令大蚬：
新鲜既大蚬就系简简单单用油盐水去蒸已经食到大蚬既鲜甜，肉质爽滑大大粒肉。
蒜蓉蒸扇贝蛏子皇：
超大只蛏子皇，除咗新鲜好味之外我都已经谂唔到其他形容词啦，总之就好食啦。蒜蓉蒸扇贝又系冇得输，正呀，正呀！
梅子蒸长筒鱿：
食到呢度其实已经饱到上心口，咁啱呢道鱿鱼用咗梅子去蒸，酸酸甜甜令人唔会觉得好滞。下面铺底嘅粉皮都唔可以错过，半透明薄薄既粉皮淡淡地好好食。
梅菜蒸菜心：
其实我唔钟意食菜心，不过呢个用梅菜蒸嘅菜心又出奇地好食，菜心吸收左梅菜嘅咸香。
源记荷叶蒸蟹饭：
压轴嘅系荷叶蒸蟹饭，老实讲我已经饱到就嚟殴出嚟😆，但系冇理由最后一道菜唔食㗎嘛，米饭吸收左蟹肉、蟹膏、金蒜嘅精华入口好甘香，令人回味无穷！
精选糖水：是日糖水系木瓜雪耳，食完咁多海鲜之后饮返啖木瓜真系清甜消滞！即埸打卡仲送饮品架🤣🤣🤣
我真系未打过咁仔细嘅食评，但真系好好食，真心推介！！
ps 店员叔叔全部都好好人，好好倾！☺️
张贴
