囍鍋蒸氣火鍋專門店 (已結業)

屋企老人家成日约埋佢地d朋友去呢间囍锅食嘢，次次返嚟都话好食。今日终于嚟呢到试一试！蒸气石锅喺相就睇等多，但现场感觉喺几过瘾。尢其喺睇住人哋帮你整熟啲海鲜，有趣！首先食左啲蒸既海鲜，叫左虾同蚬，蒸出黎嘅不过不失，好在佢啲调味够，特别啲蒜蓉。之后我哋叫嘅喺豆腐汤底，跟住先喺重头戏呀！话明打边炉又点可以唔食牛呢，个经理同我哋讲啲牛肉新鲜即日先挡。果然，啲牛肉拎到埋嚟，一睇，望落真喺几新鲜，啲雪花纹几𡃁...我自己都喺啲中意食牛嘅人，而今次都无令我失望。只喺普通豆腐汤底，放落去碌两碌即刻食得。咬落口，有种入口即溶既感觉，啲肉汁锁晒喺入面。因为喺普通清汤，所以唔怕俾汤底抢左啲味！入口即溶，牛肉味好出！等左成晚就喺为左呢一刻！所以虽然喺贵左少少，但我觉得值得一食嘅！我建议汤底最好清汤，咁先食到牛肉嘅原汁原味！