潮福蒸氣石鍋 (已結業)

到年尾，又系食团年饭新年饭无数既饭局。今晚黎潮福试下呢个蒸气海鲜锅。晚餐海鲜set 每位388, 野饮任饮， 前菜个酸云耳有麻香，够晒醒胃。调味料亦多选择。首先每人上只乳鸽，唔太大唔太细只岩岩好，唔会嚡好正，皮薄够晒香。亦有汤拣，今日饮海螺汤，饮得出唔多味精，不过梗系唔够屋企老火汤足料。与此同时又黎半边龙虾，果然新鲜既料就咁蒸都够晒鲜甜。再黎一个贝壳盛，花甲蚬仔大中细都有除此之外有四款自选海鲜，今晚拣左元具、象拔蚌、鲍鱼同埋鱼。本身以为蒸野都系无咩味要点多d 配料，点知每样野都食到原本既味道，就算唔点鼓油都唔会好寡。其实食到呢到咁上下饱，但仲有任叫任点既牛、点心、丸同蔬菜等，我就食唔落啦。最后佢既精华 亦都系个碗粥，真系好鲜甜软滑浓味，有晒岩岩咁多种海鲜既味道，饱都忍唔住食晒成碗！ 惟卫生方面可以改善。