影片
更多
2021-10-18
478 浏览
好似好耐冇出街食海鲜，玩完水又过嚟食下先。今晚嚟到，佢送咗个自家制炸鱼皮俾我哋食，佢个炸鱼皮真系好脆，咬落去索索声。其实我本身都唔系好食炸鱼皮，因为觉得呢啲食物好油，但系佢呢个竟然一啲都唔油，仲好干爽，所以接受到。我哋叫咗个基本嘅餐，分别系六样贝壳类海鲜。同埋三样虾蟹类，龙虾同埋奄仔蟹都爆晒膏，而今日嘅馒头蟹都好肥美。佢两只虎虾真系好弹牙，完全系新鲜嘅表现。但系生蚝就缩水缩得比较紧要，但系都鲜甜嘅。本身我对青口都麻麻地，不过佢呢度嘅新鲜青口竟然一啲异味都冇，反而觉得好好味。另外佢𠮶刀马贝都好大只，不过呢啲大只嘅贝类真系要趁热食，因为好多海水喺入边，如果冻咗反而会腥。另外仲有一只月亮贝，系平时见唔到嘅，都系第一次食，又系好多海水味好鲜甜。今晚嘅面包蟹真系大只过平时见到嘅好多，佢啲肉都好鲜甜好滑，不过呢一只嘅膏就唔系好多，但系可能就系因为咁所以会比较多肉。而佢嘅龙虾职员话系青年龙虾，啲虾肉系偏粉红色，系刺身级别嘅龙虾，所以食落特别鲜甜。而个重头戏嘅奄仔蟹真系好正，除咗好多膏之外，啲肉都真系好实净好甜，其实未煮之前只蟹切开两半仲系郁嘅，证明佢嘅生命力真系好顽强。而今晚个粥底简直系精粹，因为吸
今晚嚟到，佢送咗个自家制炸鱼皮俾我哋食，佢个炸鱼皮真系好脆，咬落去索索声。其实我本身都唔系好食炸鱼皮，因为觉得呢啲食物好油，但系佢呢个竟然一啲都唔油，仲好干爽，所以接受到。
我哋叫咗个基本嘅餐，分别系六样贝壳类海鲜。
同埋三样虾蟹类，龙虾同埋奄仔蟹都爆晒膏，而今日嘅馒头蟹都好肥美。
佢两只虎虾真系好弹牙，完全系新鲜嘅表现。
但系生蚝就缩水缩得比较紧要，但系都鲜甜嘅。本身我对青口都麻麻地，不过佢呢度嘅新鲜青口竟然一啲异味都冇，反而觉得好好味。
另外佢𠮶刀马贝都好大只，不过呢啲大只嘅贝类真系要趁热食，因为好多海水喺入边，如果冻咗反而会腥。
另外仲有一只月亮贝，系平时见唔到嘅，都系第一次食，又系好多海水味好鲜甜。
今晚嘅面包蟹真系大只过平时见到嘅好多，佢啲肉都好鲜甜好滑，不过呢一只嘅膏就唔系好多，但系可能就系因为咁所以会比较多肉。
而佢嘅龙虾职员话系青年龙虾，啲虾肉系偏粉红色，系刺身级别嘅龙虾，所以食落特别鲜甜。
而个重头戏嘅奄仔蟹真系好正，除咗好多膏之外，啲肉都真系好实净好甜，其实未煮之前只蟹切开两半仲系郁嘅，证明佢嘅生命力真系好顽强。
而今晚个粥底简直系精粹，因为吸收晒所有海鲜嘅精华，再加埋本身粥底加咗猪骨同埋粟米，所以系甜上加甜，因为太好味嘅缘故而唔记得咗影相。
食饱饱之后职员仲送埋椰汁官燕做甜品，见到观念嘅份量你就知道呢间舖头一啲都唔孤寒。
张贴
