九重鮮 (已結業)

是日一行3人一早经WhatsApp 订左位，所以去到完全唔洗等直接入得，入去前要探热同场用搓手液搓手，入边全部位都有挡板。虽然疫情期间，但都好多人黎食，几乎爆满。我地拣左B餐，所以包三款海鲜龙虾、带子同鲍鱼，仲有虾，粥底拣左泡菜，至于贝类同其他野都任点任拎任食，野饮要每位加12蚊先任饮，酒精类就每位加38蚊，我地加左12蚊任饮。呢到服务好好，会续步续步教你食海鲜塔，仲会提你用沙漏计时，食完一层唔洗叫已经过黎帮你清走果塔等你食下一层。食海鲜会好多壳之类既垃圾，佢有垃圾桶俾你放，但店员都成日帮手清走，好干净卫生。啲海鲜好鲜味，完全唔会觉得唔新鲜，虽然每人得一份，但其实都食得好饱，而且贝类任拎，所以完全唔会唔够食。虽然呢到主打食海鲜，但其实其他任点既野食都超好食，质素比我想像中高，点左唔少炸物、串烧、天妇罗、烤肉等等，全部都好好味，印象最深系烤韩式牛扒好入味又烤得岩岩好，唔会老。黑松露炸鸡同埋炸紫心薯饼都好好食。食到最后，店员上埋甜品原个椰子皇，呢个甜品比想像中高质，上面铺左个焦糖布丁，下面系垫左椰皇肉同椰汁，唔算劲甜，啖啖椰肉。整体黎讲，食物高质，服务优质，主打海鲜但其实其他食物都好唔错，