港畔餐廳 (已結業)

由于妈咪生日，所以就早早book左洲际同佢食dinner buffet ,仲可以预订果时reserve 定一个切饼有生日牌。一坐低就有杯welcome drink,有果汁有mocktail. 不过...都系似果汁稳阵d 一开始就食左冷盘先，好多开边龙虾。好新鲜，仲有蟹脚，面包蟹，蚬，青口果d ..不过之前食过面包蟹麻麻地。所以都系主攻龙虾同埋长脚蟹 当然仲有ham 同 salami 热食有鹅肝多士，味道不错，如果件肝可以煎香少少仲好。串烧同蛏子都几好。质素稳地。但天妇罗就麻麻，个炸壳分离晒，好彩无咩油益味。要赞既系佢d 寿司，好好味，仲多款。d 饭醋味适中，仲唔会好实。清蒸海斑...唔得，无鱼味，无鲜味，仲好鞋 鱼汤乌冬反而不错,不过食唔到咁多。仲有好好好味既菜心，好甜，无渣最后到我最期待既画面，甜品区呢度既甜品区算系好多好多款式，每款试一个都好满足了一个海景伴美食，非常满足的一晚。