生記茶餐廳 (已結業)

朋友都知我钟意食海鲜，成日都会介绍d食到正海鲜嘅餐厅俾我去试。前排住红磡嘅好友话红磡有间食海鲜嘅茶餐厅好正，一于去试下。朋友话唔洗去澳门都食到靓蟹粥，粥好绵，蟹都几好肉，成煲粥都几鲜甜，不过我都系觉得澳门蟹粥好食d😜笼仔蒸蚬饭，几出色，蚬又多，d饭吸引左蚬汁同蒜香味，热辣辣，冬天食真系正！仲试左样特别野，蚝仔水晶粉卷。水晶粉滑溜，蚝仔鲜甜，有惊喜。炸八爪鱼丸都好弹牙，仲有一粒粒八爪鱼肉，感觉都几足料。