影片
更多
2021-05-24
457 浏览
好友上月生日，不过一直未安排到时间同佢庆祝。最近得知她终于忙完手头工作，所以即刻相约出嚟吃顿晚饭。今次拣咗观塘呢间「真味鲜厨」，因为酒楼最近推出咗个「海鲜火锅放题」，套餐包刺身、汤底、海鲜拼盆、安格斯肥牛、巨形水饺、任食重庆鸡煲同配料等，而且免收茶芥同酱料费，仲要无限时，啱晒同朋友嚟慢慢食慢慢倾。点完餐后店员就会立即送上刺身拼盘，刺身种类都几多，有鲍鱼、三文鱼、带子、吞拿鱼、八爪鱼同希灵鱼，份量十足，而且样样都好新鲜。鲍鱼大大只，非常厚肉，食落爽口弹牙。三文鱼油润肥美，而八爪鱼亦鲜味突出。跟住就轮到食可以无限添加嘅鸡煲，上台后职员会帮手将鸡件炒匀至入味。鸡肉微焦，肉质好嫩滑，而且食落唔会太麻太辣，反而香味扑鼻，令人食欲大增。汤底同海鲜拼盘接著送到，我哋拣咗个皮蛋香茜锅，汤底颇清甜，芫茜味芳香，马蹄爽身得嚟又有咬口，加埋弹牙嘅皮蛋，够晒清热下火。海鲜拼盆用料亦唔欺场，睇下几丰富，除咗每人有半只龙虾外，仲有蛏子、扇贝、海虾、贵妃蚌、大蚬、鳝片同龙趸头腩等。龙虾肉质爽弹，滚熟之后依然大大只，啖啖肉。蛏子同扇贝本身已经很鲜味，再配上芫茜汤底，味道就更香甜。另外碟特级安格斯肥牛同水饺皇卖相都好吸
今次拣咗观塘呢间「真味鲜厨」，因为酒楼最近推出咗个「海鲜火锅放题」，套餐包刺身、汤底、海鲜拼盆、安格斯肥牛、巨形水饺、任食重庆鸡煲同配料等，而且免收茶芥同酱料费，仲要无限时，啱晒同朋友嚟慢慢食慢慢倾。
点完餐后店员就会立即送上刺身拼盘，刺身种类都几多，有鲍鱼、三文鱼、带子、吞拿鱼、八爪鱼同希灵鱼，份量十足，而且样样都好新鲜。鲍鱼大大只，非常厚肉，食落爽口弹牙。三文鱼油润肥美，而八爪鱼亦鲜味突出。
跟住就轮到食可以无限添加嘅鸡煲，上台后职员会帮手将鸡件炒匀至入味。鸡肉微焦，肉质好嫩滑，而且食落唔会太麻太辣，反而香味扑鼻，令人食欲大增。
汤底同海鲜拼盘接著送到，我哋拣咗个皮蛋香茜锅，汤底颇清甜，芫茜味芳香，马蹄爽身得嚟又有咬口，加埋弹牙嘅皮蛋，够晒清热下火。
海鲜拼盆用料亦唔欺场，睇下几丰富，除咗每人有半只龙虾外，仲有蛏子、扇贝、海虾、贵妃蚌、大蚬、鳝片同龙趸头腩等。龙虾肉质爽弹，滚熟之后依然大大只，啖啖肉。
蛏子同扇贝本身已经很鲜味，再配上芫茜汤底，味道就更香甜。
另外碟特级安格斯肥牛同水饺皇卖相都好吸引，每片牛肉均呈现红润色泽及均匀的油花，入口油香四溢又不失牛肉鲜味，令人一试爱上。水饺皇皮薄饀靓，鲜味可口，而且比平常见惯嘅明显大咗一个码。
至于其他任食配料，选择亦非常丰富，有海鲜类，肉类，田园菜蔬类，手工鲜饺类，另外仲可以任饮韩国饮品、竹蔗茅根红萝卜水、指定啤酒等。
整体嚟讲，呢个放题唔单止食物有水准，而且选择又够多，绝对能满足一班火锅精！
张贴
