阿爺八鮮鍋 (已結業)

突然间想打边炉，揾到阿爷八鲜锅有两小时海鲜放题火锅，个套餐仲包咗鸡炖翅汤、刺身拼盘、花胶鸡煲、海鲜拼盘，同埋任选火锅配料，加多$20仲可以任饮饮品！餐厅细细地，坐得比较密，鸡翅炖汤上枱嘅时候仲用火暖住，味道好清甜好足料，仲有好大块翅。个刺身拼盘牡丹虾好大只，油甘鱼好清甜，个鱿鱼好爽口，我好钟意食。我哋另外叫多咗个立鱼象拔蚌刺身拼盘，劲推介，象拔蚌好甜好爽口，立鱼切得好薄，好欣赏师傅嘅刀工！个花胶鸡煲好入味，啲花胶份量好多，好爽唔会太冧，好有口感！我最欣赏系海鲜拼盘中嘅龙虾煮咗5分钟啲肉质都非常滑同香甜，唔韧，个蟹有好多膏，好鲜甜，个鲍鱼同带子都唔错好爽。餐厅仲有一个$10嘅扭蛋机，如果like咗佢社交平台仲可以免费送一次扭蛋，我哋扭到个吞拿鱼入口即溶紫菜。