六十六十火鍋 (已結業)

天气咁冻，梗系要食烚吓烚吓啦！朋友介绍呢度有间高CP值嘅海鲜火锅，一个价钱$250椰子鸡煲汤底，包埋数款海鲜、贝类、肉类、配菜，唔使头痕。唔钟意嘅亦都可以$200拣个粥底火锅。去到餐厅6:30pm到钟, 已坐满左大半人，好彩我哋早到姐！椰子鸡煲上枱啦！闻到好香嘅椰子味。职员好细心教我地要先滚咗个汤底，再落鸡件煮滚后熄火焗5分钟，就可以先食鸡，再饮汤。一人有四份一只鸡嘅份量。呢个食法真系好正，鸡皮嫩滑，加上鸡本身偏瘦，啖汤亦都好鲜甜、唔肥腻。海鲜同贝类，我哋拣咗肉蟹、圣子王、带子、花甲，海鲜不得不赞好新鲜，肉蟹同虾落锅之后，重系郁郁下。肉蟹非食不可，大只，啖啖肉，无得弹。带子超大只，连埋个壳落，成个锅底咁大，爽口弹牙。花甲亦大只鲜味。其实已经饱咗半肚，仲有一碟肥牛、猪肉片未食，两者质素都唔错，食得出唔系啲平价货，连埋粟米、金菇、响铃、淮山等等配菜，今餐真系好丰富，捧住个肚走。