真味鮮廚 (已結業)

虽然炎炎夏日，但系都好希望可以同朋友围炉取下暖。今晚就去观塘食火锅，拣咗个海鲜火锅，超级丰富，成个套餐之多元化，令我哋非常满足。首先系一个鸡煲，辣辣地但系都可以接受，而且加入大量芫荽同洋葱等爆香，非常惹味。再嚟一个刺身拼盘，拼盘卖相震撼，鲍鱼、三文鱼、带子、甜虾，希灵鱼等等，真系一啲都唔失礼。然后就系主角海鲜火锅。其实平时食火锅我都系比较钟意牛肉，各种嘅丸，但系今次嘅主打系海鲜，所以有大大只嘅龙虾，再有大量嘅龙趸同白鳝。我平时唔钟意食白鳝，但系今晚嘅白鳝系令我回味无穷，我哋都觉得白鳝非常之有咬口，烟韧嘅感觉就好似充满着骨胶原一样，非常滋润。当然仲有一盘排得非常整齐嘅肥牛。因为系任食火锅，所以我哋都额外嗌咗一啲蔬菜，饱满嘅水饺，芋头同淮山等等。饮品亦非常多元化，我拣咗洛神花茶，滋润一下，亦都放纵饮下汽水。好开心同朋友相聚，吃吃喝喝，谈笑风生又一晚。