銓滿記餐廳小廚 (已結業)

前排有同事介绍呢度食海鲜煲仔饭，好似好吸引，所以同女友来开呢一头，决定去试一试，呢间野茶记隔局，但都多人, 七点来到都有人一齐系门口等位，晚上食要搭枱食。海鲜类煲仔饭其实选择唔多，另外仲有其他小菜同特色野如鱼翅捞饭.今次目标系食海鲜煲仔饭, 所以叫左2个SET1)     豉汁带子煲仔饭 ($85)2)     古法黄鳝煲仔饭 ($70)个SET跟个老火汤同菜个老火汤好正，相信好多食客都系想为啖汤来，个菜来左一碟，呢到ｄ菜系一碟咁上，你人多ｄ就俾多少少你。事源当我地见到我地碟菜同对面一个人个碟一齐来既时候，分量又差不多，再问个似老板娘既人欠一份时，佢就话已经加左俾我地，咁只好食啦。两个煲仔饭都几好味，料既份量系呢个价钱都算多，个豉油又调味得好好，不过两个人食两个煲仔饭就有ｄ多，见有其他人食鱼翅捞饭，好似几好味，会再来，下次应该会叫个煲仔饭再加小菜。食完好快俾人收晒Ｄ野俾人收枱俾下位。