浜焼き (已結業)

同朋友去尖沙咀食饭，拣选左一间出名食浜烧嘅餐厅。先有口味独特嘅绿茶味汽水，跟著有炙烧平目鱼边沙律。牛油果跟再胀卜卜既鱼籽，感觉清新！主角平目鱼边爽口，鱼香味浓又带有爽劲。调味用上醋汁和黑松露酱，够晒醒胃。刺身方面有三文鱼刺身、立鱼刺身、吞拿鱼刺身、剑鱼腩刺身、元贝刺身，帆立贝有著闪耀嘅光泽，细嫩而鲜味浓郁。剑鱼腩质感结实。三文鱼及吞拿鱼鱼香味都够浓。特上二人前盛合 括有帆立贝、蚝、蟹肉蟹膏、鲍鱼和海老。帆立贝将帆立贝的肉和壳分离, 再切成几粒上枱, 品尝它的原味。肉身肥厚，汁液鲜甜!烧鲜蚝嘅时候淋入少少烧酒同埋酱油。蚝汁满满, 肉身虽唔大只但依然饱满。而烧海老亦同样令我地满足，虾肉肉质雪白，入口非常弹牙! 鲍鱼亦烧得岩岩好，质感软韧，仲有海水鲜味添!蟹肉蟹膏卖相极吸引, 舖满了蟹膏和蟹肉。店员系烧嘅时候将各款材料拌匀，再放系脆卜卜嘅薯片上一齐进食，口感特别，而鲜香的蟹膏味道浓郁，非常之正。