龍騰海鮮酒樓

营业中

休息中

鲤鱼门嘅龙腾海鲜酒楼就好似我嘅海鲜私家饭堂，每个月点都要去食一次。今日咁啱老婆早收工，就入嚟食餐。一嚟到先去金鱼缸睇吓海鲜，我每次都会去袁太嘅海鲜档，拣海鲜最紧要系价钱公道，斤两十足。先嚟个酒楼送嘅海鲜汤，用料十足，汤头系奶白色，哗哗仲有龙虾做煲汤料，想唔好饮都几难啦。老婆至爱嘅椒盐濑尿虾，只只都手臂咁长，爆晒膏！果皮蒸鲜鲍鱼，今次专登叫咗两只大嘅，真系有手掌咁大，口感唔错，鲜味亦都一流。但系我谂炆会仲好味。盐焗奄仔蟹 - 今日D奄仔好大只，又爆晒膏，唔使＄200只，抵！！辣酒煮花螺，非常惹味！