六十六十火鍋 (已結業)

今日主要系想食粥底边炉，所以叫左个粥底每位＄200 而且不设加一服务费。粥底边炉     ＄200        70分先讲下个粥底，打完边炉后个汤底会鲜甜D，系清哂D火锅料后店员会加入粟米、南瓜同芋头再料葱、冬菜、菜甫同埋猪油渣一齐佬埋黎煮会好食D，佢地仲会帮手煮溶D南瓜。个粥最后食都仲觉得几好食，味道偏淡清清淡淡但不错。海鲜    71分海鲜拣左鲍鱼、多宝鱼、蛏子皇、蚝、海虾、刀贝，另外仲有两款贝类系店家指定既，海鲜普遍都新鲜，海虾放到上桌时都仲郁紧，要系表面放多个碟以免佢跳走，另外鲍鱼都大只，但根据经验有D店会先拎走鲍鱼入边既黑色果袋野再上桌，而今次呢间系先煮熟客人再拎走，不过系属于细心位黎而已。蚝份量几多而且够鲜，虽然比不上美国果D咁大只，但呢到D蚝细细粒，食落都OK而且煮完之后无缩到好细粒。蛏子皇够大只食果时煮到岩岩好，好在无煮到太耐所以食落仲好爽口。火锅配料     71分火锅配料可以自选六款，分别拣左西班牙梅头肉、鲜鸡件、准山、花胶仔、莴笋同埋手打墨鱼丸，首先讲份量，个人觉得岩岩好，可以食饱而又吾会浪费食物，配料中有个较为出色既系个手打墨鱼丸，睇得出真系手打之余食落好弹牙