潮福蒸氣石鍋 (已結業)

同屋企人去食大餐! 今次再次帮衬潮福，佢任食蒸气锅质数认真不错，可以一食再食，一早定好枱，8点钟细枱，一开始店员放珍珠米同淮山入锅底肴粥，然后介绍我地自取任饮既选择，有竹庶水，韩式汽水，啤酒等，入左单等左10分钟度就上炖汤，螺肉汤好快比人拣哂，我地有幸仲有3盅，其他人就要黄瓜排骨汤，其实2款都好饮，惜汤油比较多，要自己先片一片油。烧乳鸽肉质幼嫩，腌得入味，每人半只够哂滋味。龙虾每人半只，size 中等，新鲜爽口。蛏子好大只，超鲜甜，无沙，呢2款食物我觉得是全场最正 !! 蒸蒜蓉元贝时好似有d 过火，肉质韧了少许，但味道是不错，美国桶蚝又系超大只，蚝味重，推介! 贝类有花甲，蚬，马刀贝，无沙，鲜味满泻，每人分到大约8 至10粒。肥牛片同一口牛可以任添! 食肉兽可以开动了! 其他蒸鸡肉丸蔬菜都可以任加，必定可以食到饱，时间亦相当充裕，唔会未食哂就话赶你还枱，服务还颇周到，换碟蒸野够快手。最后必食既绵绵粥底，吸收海鲜肉类精华，味道咸咸鲜鲜，考你持久战斗力既时候埋单三百几蚊一位，想食海鲜既话值得帮衬。