潮福蒸氣石鍋 (已結業)

今日同屋企人去左西湾河呢间叫潮福嘅蒸气石锅店食晚饭，我地叫左任食海鲜套餐，而加真系好兴食蒸气锅呀，开左好多间蒸气锅食店，不过我都食第二次食蒸气锅咋，呢间海鲜蒸气锅几好食！任食蒸气海鲜餐可以自选粥底，我地拣左瑶柱淮山粥，炖汤就拣左姬崧茸螺肉汤，自选海鲜有四款可以拣，仲送左乳鸽、贝壳盛盆同龙虾，其他都有得任食，啤酒汽水都系任饮，有出名嘅日本啤酒同韩国汽水，呢个套餐都几抵食！酱汁可以自己调配，蒜蓉、辣椒、葱、豉油、沙爹酱，好多选择。炖汤好香，材料好多，好耐冇饮过咁足料入味嘅原盅炖汤，好好饮！乳鸽好香脆，真系皮脆肉嫩，好惹味。贝壳有花蛤、花螺、青口，全部都好鲜味，唔需要点豉油都好食。蒸鲜鲍鱼真系好正，上面放左虫草花、葱花、姜丝去蒸，肉质好弹牙。龙虾好新鲜，大只又多肉，仲有龙虾膏，味道非常好，超级鲜甜。象拔蚌好好食，放左粉丝、葱花一齐蒸，粉丝索左象拔蚌鲜味，点豉油食，真系好正！我地仲叫左好多任食食品，有牛肉、猪肉、鸡肉，仲有好多店舖自家制肉丸、酿豆卜，同埋其他蔬菜、甜点，真系好丰富！最后，不得不提精华所在嘅淮山粥，系一开锅已经开始煮，煮到最后已经变到软绵，用左瑶柱、淮山、猪骨去煮，非常鲜甜！