九重鮮 (已結業)

今日去咗黄埔依间韩国餐厅，食蒸海鲜 加串烧放题。地方好大有包厢座，装饰得 韩国特色，仲有韩服借出试著影相，大人细路尺码款式都齐备，满足晒我嘅打卡引瘾。餐厅以放题形式分$198, $268和$398三款，平日任食210分钟。 我哋就拣咗每人$268，包龙虾、带子、鲍鱼，可任食海虾、蚬类和 串烧烤肉。先嚟蒸海鲜，波龙开边蒸，新鲜爽口弹牙，啖啖肉大快朶颐。带子鲜甜，肥美肉厚。鲍鱼肉质烟韧有嚼口! 海虾无限添食 清蒸新鲜爽甜， 蚬类有四款，设有捞蚬区，可自行选择喜爱蚬类!串烧烤肉 有牛肉、鸡肉、猪颈肉、烧鸡肾、鸡软骨、烧菠萝、金菇菜，多不胜数，仲有天妇罗。 个人最喜欢 烧烟肉露笋卷，油脂甘香，咸度适中，芦笋鲜甜嫩滑，好食到忍唔住添左几次！放题唔少得饮品，有红酒、白酒、清酒、汽水、啤酒任饮。设有沙律吧，有爆谷、豆腐花，有几多选择！蒸气锅最后梗系有个粥啦！咸猪手、泡菜做粥底，正宗韩国风味，加上海鲜嘅精华，虽然已经好饱都忍唔住食咗两碗。今次真系大满足了！