潮福蒸氣石鍋 (已結業)

外地朋友来香港旅行，他每次来都系食日式放题，我笑他豪无新意，今次决定迫他试试蒸汽锅~潮福一定是不二之选，性价比高~今次拣左尖沙咀分店，交通方便，而且新装修，光猛又新净~一边食一边望住d游水海鲜~有无系水簇馆餐厅食野既感觉？每位$338既半自助海鲜套餐，每位包一个炖汤，半只乳鸽，半只龙虾，一份杂锦蚬，4样自选海鲜，同埋一系列任食既食物同汽水啤酒凉茶~松茸菇螺头汤汤头有松茸味既香，螺肉既清甜~烧乳鸽，薄薄既皮又脆又香，咬落去肉嫩有肉汁~花甲同蚬，肉大无砂，味道鲜甜~自选海鲜拣左海虾，象拔邦，鲍鱼，桶蚝~桶蚝size非常大只~食落肥美饱满，啖啖肉好满足~鲍鱼本身调左味同加左虫草花系面，都好鲜味同弹牙~龙虾上面本身加左蒜蓉调味，本身鲜味欠奉，但质感唔错，几爽同嫩，友人好喜欢~我就比较喜欢海虾，有鲜味得多，仲好爽好弹！手打丸类之中，我最爱虾丸，啖啖虾肉~和牛片同和牛粒，推介片，牛味浓，又有油腻香！我地都encore左几次~~呢度既马拉糕更加唔洗讲，次次几饱都要食几件啊~~又松软，又香！！最后仲有赠送饭后水果，香甜西瓜~特别一赞，阿姐服务好好，亲切又有耐性会keep住继续帮衬