壹蒸鍋

今日到兆万揾食，朋友话有人推介佢去果到食火锅，可惜 full 左要等位。于是我地就转阵去咗佢楼下食蒸锅啦。入面隔局都唔错，够光猛又唔会逼。二百零蚊就可以叫龙虾海鲜蒸锅同刺身，又抵㖞！首先叫汤底，食完蒸锅仲可以打边炉，两种食法。蒸锅上枱时配料系生的，大约要蒸十分钟。等食的同时，会提供一个日式小食并盘。等大家可以边食边等，好贴心。介绍吓个蒸锅先，佢都都唔野少架，有龙虾半只、元贝、蚝、鱿鱼、鲍鱼、蚬、蛏子同埋龙趸。阵容鼎盛，款款都新鲜好味。呢个时候当然要巡吓有乜饮品啦！都几多选择，汽水果汁啤酒乜都有，俾我揾到有hite 㖞，饮返几 round 送吓海鲜都唔错。刺身有呢张，唔贪心叫几款有 thumb up 既叹吓先。细细碟都几精致，仲有冰底keep 住新鲜D。当中最赞系刺身虾同埋章红鱼，水准之上。食完蒸锅仲可以任叫配料打边炉，即刻叫返碟靓牛烚烚佢喇。虽然话系任食，但系D牛肉的质素都唔错架。甜品有糯米糍同雪条㨂，试左支紫米雪条，几特别几好味，唔知出面有冇得卖呢？任食时间限时两个钟，其实都够晒食蒸锅＋打边炉＋甜品 ，一D都唔会赶，仲够时间可以吹水啤啤佢，几好。