I Leisure (已結業)

收工同阿妈上咗去间尖沙咀楼上酒吧食饭，就系因为之前知道呢度有个shake shake海鲜袋，好似几特别。呢度装修好有打卡feel。我哋上到嚟发现原来个汁系马来西亚秘制酱汁，味道带小辣，好有蒜香，非常之有风味。啲海鲜都几新鲜，而且都几大件。今次海鲜拣咗带子、鲍鱼、虾、青口、蚬、入边仲有啲肠仔，不过如果有薯仔就更好啦。食完真系非常滋味，好想encore。另外我点左个油金鱼鲛，阿妈大赞非常美味，两件都好有肉，而且啲鱼肉系几顺滑，加上柠檬汁同埋酸汁，成件事好易入口。另外再点左麻辣小龙虾，拣咗小辣，好易剥，食到停唔到口！