影片
更多
2017-05-20
94 浏览
第一次食蒸气锅，期待又兴奋！研究完一轮menu都系套餐最抵食～蒸气锅开始前先黎个小食，生煎墨鱼饼，弹牙香口，配上甜酸酱，系一个唔错既开胃小食～自选粥底店长向我地推介南瓜排⻣粥，既然系店长推介就试下啦，望落材料都好新鲜，仲有好多唔同种类既谷物，感觉好健康～估唔到蒸气锅套餐都有三文鱼刺身，香港人实在太爱食三文鱼，更意外既系非常新鲜肥美，绝对唔系一般货色。店员好细心等我地享用完刺身先开始蒸野食，刺身最紧要系趁冻食！海鲜系今餐既重点，只要材料够新鲜清蒸就已经好好食～美国石蚝成只手掌咁大，食落塞满成个口真系超满足；竹串虾好新鲜所以肉质超弹牙，虾头仲有好多膏；象拔蚌仔大家一致赞好，鲜味非常浓郁，好惊喜，真系唔需要落任何调味，店员再三叮嘱象拔蚌蒸大约1分钟就要上碟，超时既话肉质就会韧，所以大家都严阵以待准备好只碟开餐！另外叫左三只金箔松露龙虾，做紧优惠每只$48, 卖相又金箔又松露感觉好高级，呢个价钱真系几抵食，呃like都值啦，肉质好弹牙，黑松露味香气四溢！马拉糕蒸完热辣辣即食特别滋味～软绵绵～甜度岩岩好～食完咁多好野个粥底先系精髓，黄澄澄既颜色非常吸引，食落有晒海鲜同肉类既鲜味，更意外既系仲有黑
蒸气锅开始前先黎个小食，生煎墨鱼饼，弹牙香口，配上甜酸酱，系一个唔错既开胃小食～
自选粥底店长向我地推介南瓜排⻣粥，既然系店长推介就试下啦，望落材料都好新鲜，仲有好多唔同种类既谷物，感觉好健康～
估唔到蒸气锅套餐都有三文鱼刺身，香港人实在太爱食三文鱼，更意外既系非常新鲜肥美，绝对唔系一般货色。店员好细心等我地享用完刺身先开始蒸野食，刺身最紧要系趁冻食！
海鲜系今餐既重点，只要材料够新鲜清蒸就已经好好食～美国石蚝成只手掌咁大，食落塞满成个口真系超满足；竹串虾好新鲜所以肉质超弹牙，虾头仲有好多膏；象拔蚌仔大家一致赞好，鲜味非常浓郁，好惊喜，真系唔需要落任何调味，店员再三叮嘱象拔蚌蒸大约1分钟就要上碟，超时既话肉质就会韧，所以大家都严阵以待准备好只碟开餐！
另外叫左三只金箔松露龙虾，做紧优惠每只$48, 卖相又金箔又松露感觉好高级，呢个价钱真系几抵食，呃like都值啦，肉质好弹牙，黑松露味香气四溢！
马拉糕蒸完热辣辣即食特别滋味～软绵绵～甜度岩岩好～
食完咁多好野个粥底先系精髓，黄澄澄既颜色非常吸引，食落有晒海鲜同肉类既鲜味，更意外既系仲有黑松露味！非常完满既一餐！
张贴
