龍皇酒家 (世貿中心) (已結業)

今日晚上同屋企人嚟到铜锣湾龙皇，四个人一枱睇睇下佢啲小菜嘅同时，见到有个menu几有趣，主要应该系啲海鲜配sake做一个配搭，反正我同屋企人都会饮酒嘅，就一于叫一支黎试吓。🥰佢就指定咗呢一个$168龙酱炒日本帆立贝，配一支$268嘅川波吟酿，上到黎卖相就一般般，纯粹炒埋一碟咁，但帆立贝大大粒又鲜甜，时蔬亦都好入味，炒到啱啱好，带子唔会食紧橡皮咁。配嘅呢支酒中和咗少少浓烈嘅酱味，而且大少少花果香气，提升帆立贝嘅鲜味😯估唔到跟住佢哋嘅配搭都会食出另一番滋味。