龍門金閣海鮮酒家

营业中

休息中

今晚又黎到尖沙咀食晚饭，拣咗呢间新开张不久的龙门金阁海鲜酒家。餐厅装修贴近酒楼格局，今晚都好满座呀。老板都十分好客，仲介绍给我地听餐厅入的海鲜都系好出名靓的，价廉物美。莲子八宝大鸭，成只鸭十分饱满，见到就知入面塞满咗好多材料。颜色鲜泽，有油亮感，酱汁多，鲜味四溢。一切开见到入面的馅，好丰富呀，有齐各种材料，莲子，绿豆，薏米等，全部都煮得好淋身，连埋鸭肉的碎混在其中，味道好惹味，食唔停口。有我好钟意食的炸猪手，皮十分香脆，咬落卜卜脆，点芥末酱好夹，猪肉好鲜甜，肉币结实，完全无猪的骚味。生炒腊味糯米饭，呢味𩠌一向是十分考功夫的，要用上靓的糯米再加高超的厨技，餐厅系各方面都做得好出色，糯米饭粒料分明，够干身，仲有弹牙烟韧的感觉，腊苿同花生，炒蛋的份量比例适中，炒得好入味，食多几碗都得。餐厅仲可以做到免茶芥免加一，好抵食。