嘉彩酒樓 (已結業)

之前同城班旧同事来过依度食, 同去西贡食海鲜一样, 先去海鲜档拣好料, 然后上酒楼加工, 一开始大家磨拳擦掌准备拆虾拆蟹, 点知一上抬既系烧鹅全只及咕噜肉!! 当时个个你眼望我眼, 原来系搅手order既, 仲话依间酒楼海鲜都系其次, 小菜先系”冧巴温”, 好好好, 见搅手诚意推介, 一于试试, 噢! 不得了, 咕噜肉真系外脆内软, 可能连专做中国菜既大酒楼都比下去. 烧鹅更是一流, 见搅手笑笑口话依度近深井, 所以先咁正, 原来如此…….. 之后虾, 蟹, 鱼, 龙虾等等…都好正!! 今个月尾小弟牛一, 所以专程入来覆桌. 咕噜肉依然地好, 烧鹅就肥咗少少, 再来炒蚬, 芝士焗龙虾及清蒸老鼠斑, 一家四口食到不亦乐乎. 虽然o黎依间嘉彩两次都唔系食o的咩特别菜色, 但系我就o向依度食到平凡之中既不平凡. 只可惜小弟家住港岛, 屯门实在太远, 唔知几时可以再来食喇~~