廣東名門 (三聖市場)

营业中

休息中

友人相约食饭，收咗工一行6个人一齐入去咗三圣邨食海鲜，友人已一早买定海鲜Order晒，叫左以下几样:-(1)明炉烧鹅半只份，烧鹅烧到好香，啖啖肉又唔系太多肥膏，个脆皮嘅油脂份量啱啱好，皮脆肉嫩。(2)白灼赤米虾一大碟但全新部细细只，肉不多但肉质鲜甜无比，新鲜弹牙，点少少辣椒豉油已经好好味。(3)煮花螺因有人不食辣，所以无辣酒煮，花螺大大只，刚好熟，多肉好食，点甜酱食一流。(4)清蒸星斑买左条好大既星斑，唔知有无两斤重，非常新鲜，鱼肉鲜甜，蒸的时间刚刚好，葱同豉油又调得好好。(5)芝士龙虾伊面好大只龙虾，好多肉，肉质厚实弹牙，生熟程度刚好，芝士好多，d汁系浓到挂得起d面，伊面吸哂龙虾既精华汤汁，超正！(6)姜葱石锅鲍鱼一上枱热辣辣，鲍鱼肉质结实弹牙，D葱都好好食。(7)海鲜汤海鲜汤用左唔同既海鲜整(眼见有好多蚬，濑尿虾，鱼，薯仔，豆腐等)，饮落去好清甜，阿姐系咁提我地要衬热饮，唔系可能冻左会腥，最后个汤渣D海鲜俾人清晒。(8)盐焗羔蟹几多膏，好香甜，海盐提升了蟹肉的鲜味。(9)时菜最后时菜清一清，唔洗食饭都饱晒。食海鲜都系要新鲜，新鲜就点煮都无得输，海鲜自己买入去，连酒水都系$600几一