富記海鮮酒家

营业中

休息中

中秋过后，气温稍降。秋高气爽，最适合去郊游。今日约咗班friend 一行十人入南丫岛行山，不过最开心嘅环节当然系食啦😋由榕树湾行去索罟湾，路程轻松，沿途睇吓风景、影吓相，慢慢行约两小时到达。码头附近好多间海鲜店选择，比价过后拣咗价钱合理嘅富记。🦑 椒盐鲜鱿因为太肚饿，食到一半先记得影相😅🦐 避风塘濑尿虾濑尿虾非常新鲜 ，肉厚鲜甜爽口， 肉质唔系好'淋'𠮶种。好大只，四只都够十个人share。外壳香脆，加上惹味嘅炸蒜，差啲想连壳都食埋😋🐚 蒜蓉粉丝蒸扇贝 扇贝大大只 够新鲜，豉油另上，所以唔怕粉丝吸得太多豉油而过咸，不过唔点豉油都已经好好味。🍲 杂鱼白菜豆腐蚬汤 个汤外表其貌不扬，不过店家特别推介，当然要试下。 鲜味十足， 用料丰富🐟 一鱼两食： 炒斑块🐟 一鱼两食：炆班腩 炆斑腩比炒鱼块出色。好入味，唔会太咸或者太过油腻，粉亦唔会太厚🥗 郊外油菜🍚炒饭 🍍 咕噜肉 虽然今餐系海鲜做主角，但系呢个咕噜肉真系十分惊喜， 非常好味！ 粉浆薄，肉厚，仲加入新鲜菠萝🍍 酸酸甜甜好开胃富记服务好好， 𩠌菜分量大大碟，个个都食饱饱，尽兴而归。