澳門台山水佬榮火鍋專家 (已結業)

近排天气转凉，心血来潮就想吃食火锅暖暖身，咁岩有朋友介绍水佬荣，试完又觉得几唔错所以好想同大家分享一下。其实本来已经听闻过呢一间澳门名店，但试就真系第一次。本身以为就咁好普通一间火锅店，但入到去先知原来有好几层，我地坐既位仲系独立房，感觉唔差！有著咁多间火锅店存在既香港，食过水荣佬你一定唔会忘记佢航空母舰咁款既海鲜锅。一个大锅入面混集晒多种海鲜、蔬菜，单讲卖相已经吊起我食欲。基本上咁多种海鲜我自己都好钟意，全部都好入味，无论系海鲜定蔬菜都有好多选择，当中我最钟意就饱鱼同虾，饱鱼就几爽口，虾就够晒大只鲜甜，好值得推介。不得不提系员工真系好有诚意，全程都好照看著我地，一有需要就会黎帮手，又会同我地推介有咩好食，最令我记得系佢仲主动问我地冷气会唔会太冻，其实真系几贴心。最后当然唔少得有甜品，总括黎讲水荣佬系唔错，诚意推介既。