百味鮮辣蟹專門店 (已結業)

放假前，食餐好既，系FACEBOOK 知道有啲预订既菜，早2日已经订左龙虾，蛏子，由于订左位，去到都唔系使等。 我地只系得三个人，开头只系叫左啲，但真好好味，样样都想试下，叫下叫下三个人食左8个𩠌，真系有啲夸张，食完真系饱到想再去食糖水都食唔落芥香云耳，好开胃既前菜，酸酸地加埋WASHABI，都几过瘾上汤龙虾煎米粉底，呢个𩠌预定既，不得了，龙虾食得出好新鲜，弹牙爽甜，伊面底食得多，煎米粉底都系第一次食，我觉得仲好食，米粉煎到脆香，加埋啲汁，正到爆浓汤桂鱼片，桂鱼滑得黎无泥味，我地连个汤都饮埋，有小小胡椒味，下面仲有啲粉丝同豆卜，吸晒啲味，更加入味。呢度食既蛏子皇比我之前食既大只，粉丝都比较多，金银蒜蒸系我觉最好食既，蛏子鲜甜爽口，无蒸过笼，食完真系想ENCORE 多2 只因之前有煎米粉底又有粉丝，本来无谂住叫既，但因为见到隔离叫，闻到好香，问下系乜东东炒饭，原来系黑松露蛋白炒饭，系已经好饱既情况下，我地每人都再食多2碗仔.....仲有个菜树菇鸡汤无影相, 哈哈食埋个饭，真系饱到上心口啦，好满足，攞左咭片，见到有好多预订菜式都好吸引，下次约多啲人一齐再黎食过。