影片
更多
2024-07-07
4181 浏览
上次去Cafe Too 食buffet已经系几年前嘅事。因为知道餐厅最近搅咗个海鲜街嘅主题，所以吸引我再一次订枱试试。网上订咗6月尾平日dinner buffet, 当晚个场都算Full晒， 证明呢个海鲜街主题都几有吸引力。入座后我第一时间行一转睇吓有乜嘢食， 除咗冷熟海鲜 ，吞拿鱼拖罗外， 其他冷盘，热荤，烧烤，甜品对我其实不算十分吸引。冻海鲜方面，可能人多关系，好多冻海鲜俾客人攞哂后，补充速度会比较慢。 呢个级数酒店来讲，要客人等食物，应该需要改善。冻海鲜中，我较喜欢系有多款唔同种类嘅蟹。 懒碌蟹壳嘅会有一个蟹肉沙律，蟹拆咗肉， 啖啖肉食得更方便。 冻虾甜但虾肉唔爽。青口，蚬唔错。鱼生方面， 吞拿鱼大，中拖罗当然会系最受欢迎。自助餐来讲拖罗质素相当唔错， 但好可惜八点半后已再攞唔到。 其他鱼生如三文鱼，油甘鱼等都肥美。清蒸/蒜蓉蒸开边即㓥龙虾， 我每款各食咗两只， 个人会比较喜欢清蒸。当晚炖汤好似叫五指毛桃炖瘦肉， 汤清但不太甜。 相反热荤中嘅大㷛汤比较更好饮 。热荤方面款式选择算多，各式其式。当然不会全部都啱囗味，我估我试咗当中大概六，七成左右。但大部分受欢迎嘅热荤食物其实过咗8
网上订咗6月尾平日dinner buffet, 当晚个场都算Full晒， 证明呢个海鲜街主题都几有吸引力。入座后我第一时间行一转睇吓有乜嘢食， 除咗冷熟海鲜 ，吞拿鱼拖罗外， 其他冷盘，热荤，烧烤，甜品对我其实不算十分吸引。
冻海鲜方面，可能人多关系，好多冻海鲜俾客人攞哂后，补充速度会比较慢。 呢个级数酒店来讲，要客人等食物，应该需要改善。冻海鲜中，我较喜欢系有多款唔同种类嘅蟹。 懒碌蟹壳嘅会有一个蟹肉沙律，蟹拆咗肉， 啖啖肉食得更方便。 冻虾甜但虾肉唔爽。青口，蚬唔错。
鱼生方面， 吞拿鱼大，中拖罗当然会系最受欢迎。自助餐来讲拖罗质素相当唔错， 但好可惜八点半后已再攞唔到。 其他鱼生如三文鱼，油甘鱼等都肥美。
清蒸/蒜蓉蒸开边即㓥龙虾， 我每款各食咗两只， 个人会比较喜欢清蒸。
当晚炖汤好似叫五指毛桃炖瘦肉， 汤清但不太甜。 相反热荤中嘅大㷛汤比较更好饮 。
热荤方面款式选择算多，各式其式。当然不会全部都啱囗味，我估我试咗当中大概六，七成左右。但大部分受欢迎嘅热荤食物其实过咗8: 45后大都不再补充。
熟海鲜除咗蒸龙虾外， 另有罗氏虾，螺， 鱿鱼，蒸龙趸，鲍鱼仔等，海鲜种类不算多。每种海鲜厨师会用不同烹调方法处理。但可惜客人不能要求厨师选用自己喜好方法烹调海鲜，原本我要求厨师用清蒸方式烹调几只鲍鱼仔，但被厨师拒绝，感失望。
甜品方面款式选择很多，各式各样甜品都有，而我主攻嘅会系糕饼， 糕饼水准其实不错，但如果要跟同级某几间酒店自助餐嘅糕饼比较，我个人觉得会略为逊色。
张贴
