喜聚坊

营业中

休息中

今日去左大角咀探朋友，晚餐佢极力推荐呢间喜聚坊，主打古法手工菜，主厨有接近30年下厨经验!餐厅环境宽敞舒适，老板娘同店员亲切友善，热情推介菜式之余仲好好倾。老火煲赤小豆粉葛猪尾骨汤平时日忙夜忙都无咩汤水饮，难得有碗老火汤饮，有助清热、去骨火，袪湿一流，仲可以减少颈紧膊痛。汤头清甜滋润无味精，饮得出材料好新鲜，粉葛够靓，咬落软绵起沙，纤维丰富。海盐烤英仓外皮焦脆内里鱼肉嫩滑，啖啖肉肥美多汁，鲜味十足!高山椰菜花炒虾米鱿鱼椰菜花爽嫩清甜，高纤维够健康，配以虾米、鱿鱼同炒，镬气十足，咸香惹味，拌饭一流。凤爪排骨煲仔饭热辣辣上枱煲仔饭，米饭烟韧软糯，仲有香脆饭焦，凤爪、排骨腌得入味好滑溜。最后老板娘仲送甜品薏米糕相当清甜弹牙，正。