百份百餐廳 (天平商場)

营业中

休息中

富园执左后就变左百份百喇，新进快餐店。第一次黎望望，当然要睇清楚个 menu 啦 ﹗以快餐店黎讲，佢地既菜色多到吓亲我 ﹗中、港、台、日、意、印、等等。发现好多菜色都话攞奖，又话出名，系咪真架？咖哩、叉烧、蕃茄都好出名？冻斋啡走甜，正常味道，快餐店质数，合格。海南鸡饭套餐配油味饭例汤，话晒第一次，试样简单既先啦 ﹗最紧要稳阵。萝卜，哗 ﹗唔系挂，一咬即吐 ﹗又苦又涩又有渣 ﹗劣 ﹗青红萝卜猪骨汤，噢 ﹗好清纯呀，淡如水。睇落好多料，但水汪汪，居然要我自己加盐，师傅唔记得落盐？海南鸡饭，点解会用盐水鸡呢？海南鸡应该系白切鸡黎㖞，点解变左咸鸡架？好采都唔难食，虽然无咩鸡味，质地都够腍，髀肉都滑，又唔系太肥，咸鸡配上姜蓉同油味饭都几好味。饭带微微鸡油香，又唔系话太湿，满意。