文記火鍋

营业中

休息中

同朋友夜晚八点半先揾嘢食，喺大围见到文记火锅，就咁星期五未到星期四晚上就去打边边，爽一下。服务非常好，我地得两个人俾咗个六人枱我哋，沙发可以连埋一齐坐得非常舒服。呢度有好多款牛食我朋友拣咗本地手切肥牛，我哋讨论紧食颈位定系脊位，侍应好友善过嚟解释两者嘅分别，最后我哋拣咗较爽同较滑嘅颈位。本地肥牛果然系牛味重啲，我自己比较钟意食本地肥牛多个美国牛。因为牛味不同，果然本地肥牛好味真系好爽好滑有牛味，肥瘦适中。第二好味系野生竹笙好好味，条条都好大条，返咗落汤度之后吸晒啲汤嘅精华，美味到不得了。仲有美国蚝，五大只，只只都大大只胀卜卜又新鲜。我虽然好饱都食咗三大只。三宝丸系牛丸虾丸同墨鱼丸，爽口弹牙。响铃系新鲜炸起唔会有油烟味，仲可以就咁食，俾埋麻酱你。点酱食得，好松化。食到胀卜卜，好丰富嘅消夜啊。