廿一堂

营业中

休息中

睇到食评有拉丝又有大虾好吸引，而且呢间系翠华集团旗下嘅餐厅，翠华嘅出品都有保证，呢间应该唔错啩。我哋午巿去到，客人唔多，餐厅系以快餐形式，有自助点餐同人手柜枱点餐，可能午巿，只有日式饭同乌冬选择，我嘅芝士拉丝同海老消失了。餐厅装修以黄色为主，简单又有活力。食物选择真系唔多无特别吸引，味道都可以嘅，份量有啲少。铁板角切和牛配烧魂丼，店员推介，饭牛肉唔韧，汁都几香，系多油咗少少，舖喺饭上面嘅紫菜丝仲系直，唔系又淋又软，都唔错。海女三色丼，上面系舖满鱼籽，但个饭无味，舖喺面嘅又干，有啲难食晒。廿一蒲烧鳗鱼丼，呢个炭味太劲，我以为其中一位食烟嘅同事散唔到烟味，闻清楚先知系鳗鱼，不过都几好味，同事话食到最后炭味重。海鲜65℃温泉玉子赞岐乌冬，一般，汤有少少淡。爆葱65℃温泉玉子丼配岩盐烧鲭鱼，鱼肉唔鞋，仲有少少油香添，大量嘅葱舖喺饭上面，饭入面油香唔会系油淋淋嘅感觉，唔错。加$12嘅特饮。奶茶加$3。