兩姊妹涼皮有限公司 (柏樹街) (已搬遷) 新店位置

依家出街食野，尽量都会光顾良心小店，支持一下真正爱香港既香港人。第一次食，当然试下招牌凉皮。好似车仔面咁，拣自己想食既配料同辣度。我拣左木耳同豆筋棍。凉皮凉浸浸，好滑，厚道适中唔太韧又唔太淋，好弹牙。👍🏻 调味唔会太咸，芫荽再加埋d芝麻令味道更香、青瓜丝令口感提升。值得一试！ 餐厅比较狭窄，入到去有一张high table俾人立食， 逼逼地既可以企到10个人，但系食既期间不停有出出人入黎买野食，门口同台既距离又好近，所以如果企近门口个边可能会有d烦，要成日让路俾人行。对我黎讲，只要食物好味，服务态度好已经好足够。希望越来越多人会支持良心小店。下次黎再试下个冰粉先。