河內大娘越南餐廳 (已結業)

呢几日热到唔识形容，收工嚟到尖沙咀么地道一带同人交收，肚饿之际，入左嚟呢间几有风味既越南餐厅。芒果鲜虾米纸卷好适合夏天叫既小食，外层软腍既米纸卷包住芒果、鲜虾，萝卜丝等馅料，沾上酱汁一齐食，清新得嚟非常开胃。越南烤肉串烤肉串味道则相对浓味，不过又唔会太咸，外层甘香，咬落肉味浓郁。香芧烤鸡扒捞檬鸡扒好大块，亦好细心地切开做细份方便食，鸡皮金黄色，咬落香脆，肉质亦几滑嫩。捞檬啱哂咁热既天气食，配埋酸甜汁同埋炸葱、蒜粒、萝卜丝等配料，滋味又开胃。香芧猪扒饭本身以系煎猪扒，原来系炸过的，猪扒都拍得松软，唔会好难咬，食落香芧既味道都几突出。葱油配饭一流，食到好饱。莲子龙眼冰龙眼果肉大粒甜美，莲子带微甘，健脾益肾，成杯饮品既甜度亦调得啱啱好。咸柠梳打入面有半个咸柠檬，饮落好爽，冰冻又消暑。