煌苑

营业中

休息中

天时暑热 一于揾个地方食冬瓜盅，石门呢边 商业大厦啱啱入伙冇耐，酒楼地方宽敞，装修新净，冷气又够，真系可以坐得舒服慢慢叹啦 ，一坐低就叫冬瓜盅，因为酒楼通常呢啲菜式都系限量供应，呢啲消暑极品 ，好快就冇，所以茶都未开就拿拿林落单先。材料丰富，有好大只嘅虾肉，带子， 莲子，夜香花，蟹肉同埋丝瓜，挖出嚟嘅冬瓜 软淋淋，香甜消暑，咁多材料煲嘅大冬瓜汤 可以分到十几碗出嚟，个人已经连饮几满 食完啲𩠌再清埋佢。黑松露象拔蚌片有三色椒 ，木耳，西芹， 草菇， 洋葱同可以点石成金嘅黑松露炒嘅象拔蚌片， 爽滑弹牙 够晒镬气。拣咗一个 178蚊 优惠套餐，孖宝C，两个配搭 一个系脆皮烧腩仔 另一个系白灼海生虾，脆皮烧腩仔好似啱啱烧出嚟咁香， 肥瘦适中， 送饭送啤酒都得。一斤份量嘅白灼海生虾， 只只都咁大只， 又新鲜，虾头仲有好多虾膏，点少少豉油都已经好好食。加埋其他小菜 ，每人200蚊都唔使 又坐得舒服。