茶里 (希慎廣場) (已結業)

今日约咗朋友不过早到咗所以呢希慎周围行下， 咁啱见到有奶盖所以买杯坐低慢慢等， 铺头最低消费系每人一杯嘢饮， 所以我地买咗杯嘢饮之后就去咗希慎个花园平台度坐， 题外话， 花园平台仲有单车叉电好得意。😂 奶盖算不过不失， 都算浓芝士味不过而家出色嘅奶盖有太多， 冇特别太惊喜。 反而下面𠮶个沙冰底，唔系溶得太快， 饮到底都有味道。唔似一啲饮完头一浸， 就得返啲冇味冰𠮶种。 不过可能因为地理位置， 所以其实佢个嘢饮都几贵， 但系试一次都无妨嘅。 如果遇啱餐厅冇人， 入面舒舒服服咁坐应该都可以打下卡。