龍德樓 (已結業)

如果你有好多时间，都想同朋友聚一聚，呢度绝对系一个好地方，呢度啲食物都系精心炮制，煲仔饭都要等一个钟头，可见当中的细心。我哋一开始嘅时候，叫咗呢度嘅花胶杏汁炖猪肺，个汤都算几甜，有少少杏仁味。花胶亦都有咬口。之后就系马拉盏炒时蔬，个菜用左唔少油去炒，所以都算滑身。再之后就系佢哋呢度出名嘅煲仔饭，我本身唔太好饭焦，所以呢度嘅都几啱我，但如果要求饭焦嘅朋友就可能唔太适合。肉饼蒸得几香，几有猪肉味。另外就系呢度嘅蜜桃咕噜肉，个酱汁都几香，肉质都几硬身，有质感。