影片
更多
2009-06-01
71 浏览
自数年前在椰林阁餐厅吃了一顿「难忘」的午餐后，一听到「椰林阁」三个字便「闻风色变」，转身便走。昨天，与母亲大人揾食，见温莎餐厅个餐牌几吸引，便入去看过究竟。叫左两个餐，一个系墨西哥烩猪扒件珍宝肠 (跟饭)，另一个系意式香草油醋汁田园蔬果沙律，餐汤则要罗宋汤。 罗宋汤: 老实讲，小妹真系未试过系食肆试到咁多料既罗宋汤。两碗罗宋汤内「菜料齐全」，包括大大块的椰菜、洋葱、红萝卜、薯仔，仲会有一旧大大旧的牛腩。(见图)... 因为足料，所以个汤好浓味... 同埋好少味精 ~ 同时因为佢 D 蕃茄煲得好融，所以好够味，值得一赞﹗ 墨西哥烩猪扒伴珍肠 (跟饭): 呢个就系典型西餐厅既猪扒肠仔饭.. 个汁较杰，好似美心既焗猪扒饭酱汁既味度 ~ 因为佢有唔少菠萝伴碟，食落去感觉更清新; 佢块猪扒就一般货色，肥肉就一定有，唔算好好味又唔算好差。最后条肠仔都 OK，冇话因为系午餐而缩水，收货啦﹗ 意式香草油醋汁田园蔬果沙律: 首先，佢真系好大盘哩﹗缘缘的菜，唔会因为价钱而缩皮，清新爽甜﹗而佢加入左唔少水果.. 有火龙果、罐头桃、苹果; 伴菜有黄椒和红椒，全部都系新鲜的﹗而佢面头都有少少芝士粉和面包碎 (学
昨天，与母亲大人揾食，见温莎餐厅个餐牌几吸引，便入去看过究竟。叫左两个餐，一个系墨西哥烩猪扒件珍宝肠 (跟饭)，另一个系意式香草油醋汁田园蔬果沙律，餐汤则要罗宋汤。
罗宋汤: 老实讲，小妹真系未试过系食肆试到咁多料既罗宋汤。两碗罗宋汤内「菜料齐全」，包括大大块的椰菜、洋葱、红萝卜、薯仔，仲会有一旧大大旧的牛腩。(见图)... 因为足料，所以个汤好浓味... 同埋好少味精 ~ 同时因为佢 D 蕃茄煲得好融，所以好够味，值得一赞﹗
墨西哥烩猪扒伴珍肠 (跟饭): 呢个就系典型西餐厅既猪扒肠仔饭.. 个汁较杰，好似美心既焗猪扒饭酱汁既味度 ~ 因为佢有唔少菠萝伴碟，食落去感觉更清新; 佢块猪扒就一般货色，肥肉就一定有，唔算好好味又唔算好差。最后条肠仔都 OK，冇话因为系午餐而缩水，收货啦﹗
意式香草油醋汁田园蔬果沙律: 首先，佢真系好大盘哩﹗缘缘的菜，唔会因为价钱而缩皮，清新爽甜﹗而佢加入左唔少水果.. 有火龙果、罐头桃、苹果; 伴菜有黄椒和红椒，全部都系新鲜的﹗而佢面头都有少少芝士粉和面包碎 (学凯撒沙律？﹗)... 不过面包碎太细粒同埋㶶左少少，影响了口感。而佢既醋就唔够浓，如果可以落多少少就会更加开胃了。不过，以$27 连汤连面包，有咁既质素，真系物超所值啊﹗
食完后发现温莎餐厅原来系椰林阁集团既成员，母亲大人仲话特登唔同我讲... (因为佢知我一直都唔钟意「椰林阁」的。) 可是，过了今天，我开始对「椰林阁」改观了﹗所以，系众多劣评之中，小妹仍会比第五个笑面给温莎餐厅的﹗
张贴
