焱手工涮涮鍋 (已結業)

打边炉最重要一定是汤底，很早期朋友已经介绍呢间火锅店，汤底十足，食材新鲜，今日终于有机会去试下。麻辣汤底系我至爱，另外再叫一个美人锅，汤底一到，已经闻到麻辣香味，真系好足料，所有麻辣配料满满一整锅，美人锅更香，有半只乌鸡，桃胶，忍唔住要饮几啖。锅底中间仲有一个火焰蚬，蚬肉非常新鲜，点火后睇住佢慢慢爆开，即刻食，鲜甜可口。火锅料加钱要了封门牛柳，牛味香浓，店员介绍封门牛柳牛味较重，另外仲可加钱配手切Prime肥牛，店员介绍比一般肥牛更滑，由于我地得两个人，唯有下次再试。另外有一个海鲜并盘，系火锅店每日有不同安排，今次我地有超大圣子，贵妃蚌，有鱼，虾，非常新鲜甜美。仲有佢地自家制嘅手工牛肉丸，黑松露饺子，虾滑，墨鱼砖，肉丸酿冬菇，可见店主好有心思。虽然我地叫套餐，但其他火锅料都好新鲜，份量每款都够两个人，两人火锅每款都可以试下，真系好选择。