添寶手撕雞 (德民大廈)

营业中

休息中

其实呢间舖一开张我已经有去帮衬，久唔久Lunch会去买个捞面食，以前有好多种口味捞面，但宜家得返胡麻酱同麻辣酱。① 胡麻酱手撕鸡捞面 $36中式凉面用胡麻酱捞匀，配料有手撕鸡同青瓜丝，但我觉得鸡肉有啲鞋，实在令我有啲失望。所以之后我都系拣凉拌小食，实在吸引好多。② 凉拌小食双拼捞面 $36多款选择，但留意返有啲「皇牌小食」要额外加钱。我暂时试过麻辣猪耳，卤大肠，熏蹄，生肠，牛肚，牛肺，皇牌小食头抽墨鱼等。份量几多，而且好味，个人推介生肠，爽脆口感。麻辣捞面我觉得有少少油，而且唔系好够辣，所以每次如果食麻辣酱我都会叫店员加辣，佢就会落多啲辣椒碎。.午餐会跟一包纸包饮品，不过唔冻既。另外想讲下店员啲态度麻麻地，真系次次帮衬都西面。