豐生水起 (已結業)

今晚同friends喺Taipo度食饭， 见天气凉凉地咁我哋就谂住食下火锅暖暖身 ，咁我地叫左个芫茜皮蛋汤，我一于试下，呢个芫茜汤我叫咗唐生菜去渌都几清几鲜甜。内蒙羊肉卷: 啲羊送到上枱 ，你见我幅图啲羊都几新鲜， 色泽鲜艳，其实呢个羊肉我觉得都几好食因为啲羊有少少骚味同埋佢冇乜肥，最紧要羊系嫩口嘅 同埋我觉得佢份量亦都算系几足够。手打墨鱼丸:呢个墨鱼丸我就最钟意，因为我真系食得入面有一啲搅碎咗嘅墨鱼喺入面，呢个真系值得赞。 而且亦都食到几爽口几新鲜， 真系手打因为好弹牙!北京饺子&韮菜饺:呢个我觉得几新鲜同埋皮薄馅靓， 而且呢两款饺我觉得都几新鲜同埋真系几饱肚的 ，所以我特别钟意呢啲手工整嘅饺， 我觉得韭菜饺比较出色啲，因为我食到啲菜同肉嘅比例适中之余，同两者互相配衬比较好啲 。我觉得呢两个饺系我下次必点之选。经开大埔嘅朋友可以试下呢间火锅店因为我觉得啲食物几新鲜 ，而且价钱都算系咁。听讲4位or以上火锅满八佰蚊会送象拔蚌刺身 。好似都ok。