康瑞涼茶 (已結業)

因为想食芋圆，所以揾到呢一间凉茶舖，如果呢一间凉茶舖已经做咗好多年由原本卖凉茶做到而家转型糖水，咁佢就真系转型得好成功。因为佢真系超多人排队，凌晨12点闩门到11点半都仲有人等紧架。喺香港越来越多地方可以食芋圆，但系有啲地方嘅芋圆超级大粒，好似鱼蛋咁大粒，仲有馅嘅，我自己钟情于台湾𠮶只细细粒里面乜嘢都冇嘅芋圆，呢间正正就系做到我想要嘅，细细粒，配上简单嘅糖水。25蚊，抵食到喊。佢嘅糖水有热有冻，但系嗌嘅话，啲糖水都唔系好冰冻，依家咁嘅天气食都尚算接受，如果夏天食嘅话，啲人可能会觉得唔够冻。我记得台湾传统嘅芋圆店佢哋会系啲糖水入面加少少刨冰，令到碗糖水冰冻啲之余仲有少少咬感，佢哋可以试一试。