釜之魂釜飯專門店 (淘大商場) (已結業)

好耐冇黎淘大，因为之前一路都冇咩野好食。但最近见朋友介绍呢间釜饭好正，所以今次专诚嚟试吓。呢度出名食鳗鱼饭，淘大一绝鳗鱼饭。个鳗鱼烧得几香，鳗鱼表面有少少焦香嘅味道。鳗鱼肉够厚，软熟。我估应该系条鳗鱼最厚嘅部份。以百几蚊食到咁嘅质素嘅鳗鱼饭真系超值。同埋我见台台都叫鳗鱼饭，啲鳗鱼去得几快、几新鲜，呢个系信心嘅保证！听讲鳗鱼汁系鳗鱼饭个精华。依度仲可以任加鳗鱼汁值得一赞👍依度用日本越光米，我相信好多人都听过。净系依个名一听就知劲，仲要啲饭都唔少。加埋鳗鱼汁简直系天衣无缝天下一绝。我建议如果两个比较细食嘅人，可以share一个饭再加一个小食。另外在叫咗个铁板鸡烧魂个鸡扒好招积即叫即煎，都值得推介。块鸡皮煎得有脆又香口，鸡肉亦都好软熟。另外仲叫咗个梅干手羽先，鸡翼够脆，仲有淡淡的梅香，令到成只鸡翼嘅味道升华。呢度仲有啲emoji纸牌，可以比钟意自拍嘅人用嚟影相留念，好适合年青新一代。总括而言呢间店有咁嘅质素以及价钱绝对可以再次光临。