影片
更多
2020-01-08
1352 浏览
依日约咗个friend食饭，佢去完旅行俾手信我，所以我就佢去九龙湾啦😚。之前已经嚟过一次SuperNormal到食，呢晚谂唔到食乜就再食多次啦！估唔到餐厅weekday都坐到咁爆，我哋无book枱，除咗高枱外，得返一张普通枱😯。食物选择好多，有🍢串烧、扒、意粉、饭、汉堡同小食等等。依到有另一个卖点就系有酒饮，手工啤🍺同cocktail🍸款式都超多，其中有啲cocktail个造型望落劲打卡able。不过依排我好头痛、成日都好攰咁，所以就无饮到了😣。餐厅装修其实都偏酒吧风，格调黑黑的，仲有好大个调酒area，我相信佢系九龙湾区内少数嘅酒吧餐厅🍹。睇完一轮餐牌，我哋都系觉得二人餐最抵食，二人餐有三款，其中$498嘅牛扒餐最吸引吧🥩。前菜系二拣一，我哋要咗日本樱花虾蟹肉沙律🥗，因为朋友想食沙律开胃。另一款可拣嘅前菜系法式牛肉批。是日餐汤系罗宋汤(定🍅蕃茄汤？)，味道偏酸，放工好攰嘅我都醒哂😂，哈哈；随汤附送两片蒜蓉包。套餐原来仲有一份日式池鱼仔做小食🐟，份量几多。鱼仔细细条炸得几香口，佐酒应该一流🤤。虽然鱼仔成条连骨都食得，不过进食时都系要小心啲。主菜A系烧美国顶级肉眼牛扒配松露汁(12oz)
依日约咗个friend食饭，佢去完旅行俾手信我，所以我就佢去九龙湾啦😚。之前已经嚟过一次SuperNormal到食，呢晚谂唔到食乜就再食多次啦！估唔到餐厅weekday都坐到咁爆，我哋无book枱，除咗高枱外，得返一张普通枱😯。
食物选择好多，有🍢串烧、扒、意粉、饭、汉堡同小食等等。依到有另一个卖点就系有酒饮，手工啤🍺同cocktail🍸款式都超多，其中有啲cocktail个造型望落劲打卡able。不过依排我好头痛、成日都好攰咁，所以就无饮到了😣。
餐厅装修其实都偏酒吧风，格调黑黑的，仲有好大个调酒area，我相信佢系九龙湾区内少数嘅酒吧餐厅🍹。
睇完一轮餐牌，我哋都系觉得二人餐最抵食，二人餐有三款，其中$498嘅牛扒餐最吸引吧🥩。
前菜系二拣一，我哋要咗日本樱花虾蟹肉沙律🥗，因为朋友想食沙律开胃。另一款可拣嘅前菜系法式牛肉批。
是日餐汤系罗宋汤(定🍅蕃茄汤？)，味道偏酸，放工好攰嘅我都醒哂😂，哈哈；随汤附送两片蒜蓉包。
套餐原来仲有一份日式池鱼仔做小食🐟，份量几多。鱼仔细细条炸得几香口，佐酒应该一流🤤。虽然鱼仔成条连骨都食得，不过进食时都系要小心啲。
主菜A系烧美国顶级肉眼牛扒配松露汁(12oz)，🥩块扒真系几厚几大块，伴碟仲有堆蔬菜，其中有个炸芝士薯饼好好食🧀，成碟一个人应该食唔哂。牛扒我哋要咗五成熟，煮出嚟熟度应该都差唔多，边位有少少筋，但整体唔算韧嘅。
主菜B系带子龙虾汁意大利饭，我自己几钟意呢个饭，够creamy同够咸。除咗饭上面有两粒带子外，饭入面仲有🦞小龙虾肉，唔错唔错😋，推介。
套餐系包两杯餐饮，我哋要咗冻柠茶同冻柠水🍋。
总括嚟讲，我哋食完成餐饱哂，个set都真系几丰富嘅，乜都有啲😌。定价中等，但胜在份量多，味都ok。环境几舒服，适合同朋友饮杯嘢、倾下偈，餐厅仲有几张室外座位添；喺呢区附近真系无乜依类型餐厅。最后，我有少少建议俾餐厅XD，就系可以考虑卖埋甜品🍰，应该会受欢迎啊！
张贴
