茶舍 (淘大商場2期)

营业中

休息中

而家周围都开咗好多新派茶餐厅，选择相对传统茶餐厅来讲都好多，除咗有传统嘅茶餐之外，仲有一啲西式意粉意大利饭，味道来讲都唔错。呢一间嘅份量好大，一个女仔食会食唔晒，虽然系叫佢外卖，但系见到佢个舖头嘅位置都好阔落应该都坐得ok舒服黑松露蚝仔意大利烩饭估唔到茶餐厅都有咁西式嘅嘢可以食，味道来讲黑松露味几重，反而有啲偏湿同埋淋，我自己就比较偏爱一啲粒粒分明嘅饭。蚝仔嘅数量都几多，而且算系肥美饱满，鲜味都够重。鳗鱼炒饭鳗鱼嘅份量几多，而且唔系切碎晒捞喺入边，你系大大嚿咁摆喺上面，我自己比较钟意咁样嘅设计，一啖啖肉比较满足。木鱼花添加左成个饭嘅风味，炒得几干身可以做到粒粒分明嘅效果。味道来讲都几好鳗鱼蛋包饭同样都系关于鳗鱼嘅菜式，鳗鱼嘅份量好多，而且选择嘅系鳗鱼嘅中段位置，以60几蚊嘅价钱来讲相当之抵食。蛋嘅质素以茶餐厅来讲可以接受，而且同样份量好多，当然如果想识到日式蛋包饭𠮶种好嫩滑嘅感觉争少少啦。