釜之魂釜飯專門店 (淘大商場) (已結業)

前两日放工行过淘大商场，原来淘大商场都好多唔同款式嘅餐厅选择，见到有一间门面好靓仔嘅“釜之魂”系食日本釜饭，向香港比较少餐厅系专门食釜饭，见唔系好多人排队，所以就排队食晚餐。佢哋主打系鳗鱼釜饭，但系我哋两个都对鳗鱼冇乜兴趣，反而见到人哋点嘅猪软骨釜饭等等好吸引，所以我哋就每人点咗一个釜饭，再加啲小食，而我哋每个釜饭都加18蚊升级为套餐，有前菜小食、面豉汤 同埋一杯饮品，十分超值。汁烧牛肉釜饭 $58整个饭表面铺满汁烧牛肉粒，大大粒牛肉大约八成熟左右，充满肉汁好有牛味有咬口，加埋配菜同埋半边蛋，味道唔错。汁煮猪软骨釜饭 $78原条大大条猪软骨，抆到好淋又入味，配饭一流。焦糖烩蕃薯 $28呢个时间限定嘅焦糖烩番薯，表面焦糖香脆，里面番薯又香又甜，必食之选。黑松露玉子烧 $18黑松露沙律酱配上玉子烧，黑松露嘅香味再加玉子烧嘅甜味非常合衬。其实仲有好多不同嘅款式嘅食物都想食， 不过食完个釜饭已经好饱，所以唯有留返下次再食过。