釜之魂釜飯專門店 (淘大商場) (已結業)

一直都听有人介绍呢间日式餐厅，今次同朋友行开呢边又咁岩唔洗排队就入去试下。装修好似去左日本咁，座位好宽敞，坐得好舒服。今次叫左一个釜饭，一个面食同小食试试。▶️汁烧牛肉釜饭🐂本身以为会系好细碗，点知一上枱，份量十足，而且够热，啲牛肉好厚好有味，加埋烧汁好好食。糖心蛋有流心效果，而釜饭嘅饭有饭香，捞烧汁一流。▶️蕃茄牛肉汤稻庭汤乌冬🍜蕃茄汤带小小辣，蕃茄味就唔算太足。用料同样非常足，超大碗。乌冬煮得岩岩好，烟烟韧韧，索左少少汤汁唔会变一patpat，而且几有味，但就有啲普通。▶️日式大阪烧不过不失，有劲多我钟意嘅柴鱼片同菜，不过就唔够地道风味。▶️盐烧鳗鱼串烧只系叫左一串，鳗鱼清甜爽口，盐烧可以令我地食到鳗鱼鲜味，而且唔会好油好漏，超想食多几串，应该几适合送酒。▶️榛子酱烧年糕榛子酱超邪恶，两旧年糕都放左劲多榛子酱，一咬落去年糕外面脆脆地，入面好烟韧。年糕本身无味，加左榛子酱唔会太甜，中和返，系一个唔错嘅小甜品。整体食物质素唔错，价钱同份量都好合理，如果经过呢边可以一试。