HK甜品店 (已結業)

食完晚饭经过谂住外卖碗中式糖水食下画上完美嘅句号，于是同屋企人买咗都好稳阵嘅芝麻糊同合桃露。糖水铺地方光猛大致整洁，侍应都好有礼貌叫我坐底等阵。等候期间听到微波炉嘅叮叮声，应该系之前煲好再整返热俾我嘅，返到屋企满心期待咁打开，我见到两碗半透明状嘅嘢，再用匙羹搞左两下，见到好多一旧旧好似未溶哂嘅粉团，所以我估到应该系开粉冲嘅。不过超级市场都买过一啲系开粉而且味道唔差嘅糖水，而且市面上嘅糖水铺都会有开粉的糖水，所以都未至于很失望。一食落去先发现碗糖水个样同埋个味道都强差人意，整到一碗糖水咁淡完全无芝麻同合桃味，如果瞌埋眼应该冇人会估到𠮶两碗系啲乜嘢糖水，加上两碗买咗$44都唔平好失望。衷心希望店主见到意见可以有所改善。